Aryan thoda chidkar kehta hai, "Dekh bhai, main yeh sab nahi kar paunga. Tu mujhe chaand par jaane ko keh ya koi aur kaam bol, tere liye zeher peene ko keh... main sab kar dunga par yeh sab mujhse nahi hoga! Aur waise bhi, main abhi tak single hoon... abhi se agar ladkiyon ke peeche yeh sab karta raha toh baad mein mujhe girlfriend kaise milegi?"

Uski baat sunkar Ranveer kehta hai, "Please please... apne best friend ke liye tu itna bhi nahi kar sakta? Maine toh tere se isse pehle kabhi kuch nahi maanga! Bas itna kar de... main chahta hoon ki woh kisi tarah tere jaal mein phas jaaye aur phir main use range haath pakad loon. Tab mere papa ko samajh aayega ki unki pyaari bahu kitni shareef hai. Aur uske baad main divorce file kar paunga."