Aryan... "Seduce my wife."

Ranveer ke muh se yeh baat sunkar Aryan poori tarah hairan reh jaata hai. Uske haath mein pakda hua scotch ka glass kaanp uthta hai. Woh bilkul hawaak hokar Ranveer ki taraf dekhta hai... phir scotch ke glass ko table par thak se niche rakhta hai aur ek jhatke mein khada ho jaata hai.

Aryan gusse aur hairani mein kehta hai, "Are you mad! Yeh sab kya bol raha hai tu? Hum dono best friends hain, wahan tak sab theek hai! Par yeh sab kyun? Aur waise bhi, maine jitna Priya ko dekha hai, woh ek bohot acchi ladki lagti hai... toh tu uske saath aisa kuch karne ko kyun keh raha hai?"

Uska sawal sunkar Ranveer kuch seconds ke liye bilkul khamosh ho jaata hai. Phir apne chehre par ek behad bebas aur lachaar bhaav lekar kehta hai, "Acchi ladki? Haan, tujhe aisa lag sakta hai! Kisi ko bhi upar se dekhkar aisa lagna normal hai... lekin main pichle paanch saal se uske saath reh raha hoon! Isliye main acche se jaanta hoon ki woh kaisi ladki hai! Main ab usko aur tolerate nahi kar sakta... mujhe divorce chahiye! Please, tu meri yeh help kar de."

Aryan hairan hokar kehta hai, "Divorce chahiye toh woh toh tu seedhe-seedhe bhi bol sakta hai, apni biwi ke saath aisa sab karne ki kya zaroorat hai?"

Ranveer kehta hai, "Tujhe kya lagta hai, Priya se divorce lena itna aasan hai?"

Aryan chup rehta hai, toh Ranveer aage kehta hai, "Aasan hota toh main kab ka le chuka hota, paanch saal tak wait nahi karta."

Uski baat sunkar Aryan is baar puchta hai, "Kyun, problem kya hai? Divorce lena toh ek personal matter hai!"

Ranveer kehta hai, "Bro... mere liye yeh itna easy nahi hai. Mere papa ke saath mera relation kabhi accha nahi raha, yeh baat tu bohot acche se jaanta hai! Isliye unhone mujhe phasane ke liye shaadi ke waqt meri company ke 50% shares Priya ke naam kar diye the... taaki main use kabhi chhod na sakoon!

Lekin ab uske saath rehna mere liye namumkin hai. Paanch saal ki is married life mein maine aaj tak use chhua tak nahi hai... aur woh khud se mujhe kabhi nahi chhodegi. Usne meri zindagi nark bana di hai... main usse aazadi chahta hoon! Isliye tujhse keh raha hoon please... tu use apne jaal mein phasa."

Continue.....